Í heimi íþrótta eru meiðsli næstum óumflýjanleg. Hvort sem þú ert atvinnumaður í íþróttum, stundar hreyfingu af miklu kappi, eða einhvers staðar þar á milli, geta líkamlegar kröfur íþrótta leitt til meiðsla. Skjótur bati eftir hverskyns meiðsli er afar mikilvægur, ekki aðeins til að snúa aftur í íþróttina, heldur einnig til að viðhalda heilbrigðum, virkum lífsstíl.
Meðal fjölmargra möguleika þegar kemur að endurhæfingu er kírópraktík afar áhrifarík aðferð til að styðja við bata eftir íþróttameiðsli.
Hér að neðan fjöllum við um hlutverk kírópraktíkar í bataferlinu og hvernig hún getur hjálpað íþrótta- og keppnisfólki að jafna sig hraðar og jafnvel koma sterkari tilbaka.
Hvað er kírópraktík?
Kírópraktík er kerfi sem er notað til að meðhöndla líkamann. Þetta kerfi lítur á líkamann sem eina heild, þar sem allir partar hafa sinn tilgang og stuðla að því að heildin virki sem best. Sérstök áhersla er lögð á hrygginn og taugakerfi líkamans. Kírópraktorar hjálpa einstaklingum að draga úr verkjum og bæta virkni, hreyfanleika og liðleika. Þar að auki felur meðferð hjá Kírópraktorstöðinni í sér fræðslu um hvernig hægt er að bera ábyrgð á eigin heilsu í gegnum æfingar, teygjur, mataræði, vinnuumhverfi o.s.fr.
Með því að vinna með hryggsúluna og þar með talið taugakerfið er tryggt að líkaminn sé betur í stakk búinn til þess að ná hámarks bata á sem skemmstum tíma.
Svona stuðlar kírópraktík að skjótari bata
Dregur úr verkjum:
Eitt af megin markmiðum kírópraktískrar meðferðar í bataferli er að draga úr verkjum. Með því að vinna með hryggsúluna, mjóbak, mjaðmir, háls og hnakka, geta kírópraktorar minnkað þrýsting á taugakerfið og þar með dregið úr verkjum og vöðvaspennu. Þetta getur verið sérstaklega gagnlegt fyrir meiðsli á borð við tognanir, langvarandi króníska verki, streitu og liðvandamál.
Bætir hreyfigetu:
Meiðsli geta oft leitt til minnkaðrar hreyfigetu. Kírópraktískar meðferðir hjálpa til við að endurheimta hreyfigetu með því að bæta líkamsstöðu og líkamsvirkni, virkni taugakerfisins, ásamt því að draga úr stirðleika og auka sveigjanleika og hreyfigetu. Við það geta taugaboð flætt óhindrað og viðbragð líkamans og geta hans til hreyfingar verður betri. Þetta er verulega mikilvægt fyrir íþróttamenn sem vilja snúa aftur eftir meiðsli sem fyrst.
Minnkar bólgur:
Bólga er algeng viðbrögð við meiðslum og getur tafið bataferlið verulega, sér í lagi ef hún verður þrálát. Kírópraktík getur hjálpað til við að draga úr bólgu með hinum ýmsu leiðum. Almennt séð, með því að losa um hryggsúluna og bæta hreyfanleika og eðlilega virkni taugakerfisins, getur líkaminn hafist handa við að draga úr bólgum og þar með verkjum sem einstaklingurinn finnur fyrir. Sem aftur, eins og áður segir, flýtir verulega fyrir bata.
Í kjölfar batans
Þegar einstaklingurinn hefur náð góðum bata tekur við uppbyggingar-fasi þar sem kírópraktor getur hjálpað einstaklingnum að byggja upp styrk og ná auknum árangri. Með því að tryggja að hryggurinn og liðirnir séu rétt stilltir og í góðu ásigkomulagi, er hægt að tryggja aukna hreyfigetu, skilvirkara taugakerfi, aukna snerpu og viðbragðsflýti, aukinn liðleika og almennt meiri orku og hraðari endurheimt.
Þá getur kírópraktor hjálpað við að sérsníða meðferðir að þörfum einstaklingsins. Sem dæmi gæti einstaklingur sem stundar golf þurft annarskonar stuðning en sá sem stundar þríþraut eða knattspyrnu.
Þegar öllu er á botninn hvolft
Fyrir íþróttafólk og aðra sem eru í bataferli eftir íþróttameiðsli, er hægt að nýta kírópraktík sem heildræna nálgun sem ekki aðeins miðar að skjótum og áhrifaríkum bata, heldur einnig að bættum afköstum og forvörnum gegn framtíðar meiðslum. Með persónulegri meðferðaráætlun, sem miðar að því að takast á við verki, skerta hreyfifærni og bólgur, getur kírópraktík skipt sköpum í endurhæfingu og endurheimt.
Hvort sem þú ert að glíma við nýleg meiðsli eða leitar leiða til að fyrirbyggja meiðsli, gæti kírópraktík verið gott skref í átt að auknum árangri og bata.
